ShaAhoon Ki Tarah Thay Naa Ameeroon Ki Tarah Thay
Hum Shehr-e-Mohabbat Kay FaQeeroon Ki Tarah Thay
DarYaAoon Me Hotay Thay Jazeeroon Ki Tarah Hum
SehraAon Me PaAni Kay Zakheeroon Ki Tarah Thay
Afsoos Kay Samjha Naa Hamain AhL-e-Nazar Nay
Ham WaQat Ki Zanbeel Me Heeroon Ki Tarah Thay
Gham Tauq-e-Ghuloo PaAon Me Zanjeer Ana Ki
Aazaad Bhi Thay Hum To Aseeroon Ki Tarah Thay
Ab Reh Gaye Ham Sirf Rivayaat Ki Soorat
Jab Thay To Hama Rang Nazeeroon Ki Tarah Thay
Hairat Hai Kay Vo LOG Bhi Ab Chhorr Chalay Hain
Jo Meri Hatheli Me Lakeeroon Ki Tarah Thay
Sochi Na Buri Soch Kabhi Un Kay Liye Bhi
Paiwast Meray Dil Me Jo Teeroon Ki Tarah Thay...??
