Kisi Din Us Say Milnay Par
Kaha Tha Nazm Likhoon Ga
Tumhaaray Narm BaaLoon Par
Tumhaaray Shokh GaaLoon Par
Tumhaari Mast in Aankhoon Par
Tumhaari Muskurahat Par
Teri Zulfoon Ki Aahat Par
Teray Hontoon Ki Narmi Par
Teri SaAnsoon Ki Garmi Par
Teray Haathoon K KanGan Par
Teri Paayal Ki Chhan Chhan Par
Teray Ruknay Pay Chalnay Par
Kisi Din Us Say Milnay Par
Kaha Tha Nazm Likhoon Ga
Wo Ab Kay Jab Bhi Milti Hai
Yahi Kehti Hai, Dheeray Say
Wo Meri Nazm LaAye Ho?
Kay Phir Say Bhool Aye Ho?
Mujhay Tab Yaad Aata Hay
Mujhay ik Nazm Likhni Thi
Kisi Ki Khush BayaAni Par
Kisi Ki Mast Jawani Par
Mujhay ik Nazm Likhni Thi...??
